Gaur ospatutako 2025eko lehen Administrazio Kotseilua gertaera garrantzitsua izan da Cyberzaintzarentzat. Jardunaldi hau, aurreko urteko datu garrantzitsuenei buruz hausnartzeko, ikaskuntzak jasotzeko eta, horrekin batera, Zibersegurtasunaren Euskal Estrategian norabide berri bat zehazteko balio izan du, urteko eta hurrengo urteetarako ekintza-plan batekin. Izan ere, aurreko urteetan ezagutzen dugun dinamikari jarraituz, ingurune digitaleko mehatxuak gero eta handiagoak dira. Ahultasunei buruzko azken txostenean, hauek %31.21ean hazi ziren. Horiei aurre egiteko, Cyberzaintza lau ekintza-esparruren inguruan lan egiten du: prebentzioa, zibersegurtasun-mehatxuak hautematea, eta beharrezko erantzuna eta koordinazioa. Koordinazioa funtsezkoa da, hain zuzen ere, Euskadin ziberresilentzia sendotzeko.
Bilerako buru Segurtasuneko Sailburu den Bingen Zupiria izan da, gure zuzendari nagusia den Francisco Javier Diéguez Barriocanalekin batera, eta urteko kontuak, aurrekontua betetzeari buruzko memoria eta 2024ko Jardueraren Memoria ere onartu dira.