Euskadiko zibersegurtasunaren katalogoa

Zibersegurtasunaren Liburu Zuriaren hirugarren edizioa SPRIk argitaratu du, eta bertan adierazten denez, Euskadiko Zibersegurtasunaren Ekosistema Euskadin ziberkrimenari aurre egiteko zerbitzuak edo produktuak eskaintzen dituzten agente espezializatu guztiek osatzen dute; horiek, gainera, Euskal Autonomia Erkidegoko hiru lurralde historikoetako edozeinetan gutxienez bulego bat dute modu iraunkorrean.

Zibersegurtasunaren arloan egoerari eta joerei buruz informazioa jaso nahi duten enpresa publiko edo pribatu nahiz partikularrei zuzenduta dago. Halaber, ziberdelikuentziaren aurrean mekanismo-defentsak aurkezten dituzten erakunde guztiak hartzeko prest dago.

Berehala erabiltzeko balio du, eta, aldi berean, aldian-aldian berrikusitako katalogo bizia da. Euskadiko zibersegurtasunaren sektorea osatzen duten agente guztiak ez ezik, horietako bakoitzak eskaintzen dituen irtenbide ezberdinak biltzen ditu.