Zibersegurtasunaren Euskal Estrategia

Jarduera nagusiak:

• Zibersegurtasunaren alorrean Euskadiko sektore publikoaren lerrokatzea indartzeko eta koordinatzeko estrategia komuna hedatzea.
• Zibersegurtasunaren eremuan, Euskadiko administrazio publiko guztientzat beharrezkoak diren zerbitzuak modelatzea ahalbidetuko duen gobernantza-eredu bat hedatzea.
• Zibersegurtasunaren alorreko rolak eta erantzukizunak garatzea Euskadiko sektore publikoaren barruan, baterako jarduketa-eredu bat ezartzea ahalbidetzeko.
• Segurtasun-politiken, arau teknikoen eta babes-neurrien erreferentzia-eredu bat garatzea, dauden zibersegurtasun-araudiak osatzeko eta Euskadiko administrazio publiko guztien premia partikularrekin bat egiteko, haien hedapena errazteko.
• Berrikuspen-eredu bat sortzea, zerbitzu publikoek jasaten dituzten arrisku zibernetikoak identifikatu, ebaluatu eta kudeatzeko.
• Teknologiak ezartzeko esparru bat ezartzea, zeharkako gaitasunetan eta tresna komunetan oinarritua, eta adopzio berrietarako irizpide bateratuak emanez, hainbat alderdi kontuan hartuta, hala nola alderdi linguistikoak.
• Euskadiko administrazio publiko guztietan zibersegurtasunaren betetze-mailaren eta egoeraren aldizkako ebaluazioa.
• Lankidetza aktiboko mekanismoak sortzea, segurtasun integralaren eremuan, eta prozesu bateratu eta homogeneoak, hala eskatzen duten jarduketetarako.
• Euskadiko segurtasun publikoko planarekin bat egiteko plan bat sustatzea.

Jarduera nagusiak:

• Cyberzaintzako CERTen gaitasunak indartu, zerbitzuak zabalduz eta zibererasoen prebentzio eta detekzio zein Euskadiko sektore publikoa babestera bideratu, eta, horrela, herrialdearen erresilientzia babestuz.
• Euskadiko sektore publikoan gertatutako zibererasoak kudeatzeko eta horiei erantzun koordinatua emateko beharrezkoak diren gaitasunak garatzea.
• Krisiak kudeatzeko prozedura ezartzea herrialde-mailan, Euskadiko eragile guztiak kontuan hartuta.
• Administrazio publiko guztientzat zaintza digitaleko eta alerta goiztiarreko eredu bat garatzea, Euskadira egokitutako arrisku-/herrialde-mapa bat garatzea barne.
• Kolektibo sentikorrei zuzendutako ekimen estrategikoei laguntzeko neurriak ezartzea, modu fokalizatuan eta horien arduradunekin koordinatuta
• Zibererasoak ikertzeko gaitasunak handitzea, gizarte osoa babesteko eta Euskadiko polizia integralaren delitu zibernetikoak jazartzeko.
• Zibererasoei eta zibermehatxuei buruzko informazioa partekatzeko eredu bat garatzea.
• Zibersegurtasun-krisiak kudeatzeko eredu bat hedatzea eta entrenatzea, Euskadiko larrialdi-planarekin koordinatuta.
• Euskadiko zerbitzu publikoen eta funtsezko zerbitzuen erresilientzia-plan bat definitzea, haien babesa lehenesteko eta egokitzeko.
• Euskadiko administrazio publikoei laguntzeko zerbitzu bat abian jartzea, zibersegurtasuneko proiektu bereziak gauzatzeko eta hirugarrenak kudeatzeko.

Jarduera nagusiak:

• Zibersegurtasuna adin goiztiarretik landuko duten hezkuntza-programak sustatzea, Euskadin zibersegurtasunaren kultura garatzea ahalbidetuko dutenak, herritarrak eraldaketa digitalean ahalduntzera bideratuta.
• Zibersegurtasunari helduko dioten kontzientziazio-kanpainak garatzea, jardunbide seguruak eta jokabide arriskutsuen ondorioak nabarmenduz. Publiko zabalarengana iristeko komunikazio-kanal irisgarriak erabiltzea.
• Zibersegurtasunaren inguruko kontzientziazio-programa bat sortzea Ertzaintzako kideentzat eta Euskadiko polizia-kidegoentzat, Polizia eta Larrialdietako Euskal Akademiaren prestakuntzaren barruan sartzeko.
• Zibersegurtasunaren inguruko kontzientziazio- eta sentsibilizazio-programa bat sortzea langile publikoentzat eta politikarientzat.
• Euskadin dauden herritarren profilak egokitutako sentsibilizazio- eta kontzientziazio-programak diseinatzea.
• Gizarteak zibersegurtasunaren babesean parte-hartze aktiboa izan dezan sustatzea, gertakarien salaketa sustatuz eta etika digitala sustatuz. Erantzukizun partekatuko kultura bat sortzeak zibersegurtasuna indartzen du gizarteko maila guztietan.

Jarduera nagusiak:

• Beste eskualde eta kultura batzuetatik datozen eta zibersegurtasunean talentua erakartzea erraztuko duten mekanismoak hedatzea, gure gizartean integratzea indartuz.
• Hezkuntza-erakundeen eta enpresen arteko lankidetza estuko eredu bat abiaraztea, mentoretza-programak eta baterako proiektuak erraztuz, ikasleek beren ezagutzak benetako enpresa-inguruneetan aplikatzeko aukera izan dezaten.
• Profilak zibersegurtasunera bideratzeko eredu bat ezartzea, gaitasun teknikoaren, ziurtagirien, esperientzia praktikoaren eta arautu gabeko prestakuntzaren bidez. ITko profesionalentzako edo zibersegurtasunera aldatu nahi duten erlazionatutako eremuentzako berrentrenamendu-programak erraztea
• Prestakuntza espezializatuko eredu bat garatzea zibersegurtasuneko eremu guztietan, unibertsitateekin eta lanbide-heziketako zentroekin batera.
• Zibersegurtasunaren alorreko bokazioa bultzatzea, bai gaian interesa duten profilei dagokienez, bai ordezkaritza txikiagoa duten kolektiboei dagokienez, ekimen espezifikoen bidez.

Jarduera nagusiak:

• Programa bat hedatzea, erakundeei aukera emango diena beren jardueraren barruan zibersegurtasuneko tokiko gaitasunak txertatzeko, eta tokiko teknologiak eta produktuak enpresen bidez nazioartekotzearen alde egiteko.
• Enpresa-sarearen heldutasuna eta lehia-posizioa identifikatzea ahalbidetuko duten behatoki sektorialak abian jartzea, bezeroentzako zibersegurtasunaren balioaren ikuspegitik.
• EAEko enpresa-ehunean zibersegurtasun-gaitasunak txertatzeko laguntza- eta aholkularitza-lerro bat ezartzea, Euskadiko zibersegurtasun-sektorearekin lehian sartu gabe.
• Sektoreko eragile garrantzitsuen arteko lankidetza sustatuko duten lantaldeak sortzea.
• Udaletan lagundutako harreman-sare bat hedatzea, zibersegurtasuna Euskadiko enpresa-sare osora iristeko.

Jarduera nagusiak:

• Lankidetza publiko-pribatuaren mekanismoen aldeko apustua egitea, Euskadiko enpresa-sarearen eta funtsezko zerbitzuen erresilientzia bermatzeko, programa espezifikoen bidez eta BZP gisa existitzen diren programen laguntza eta osagarriaren bidez.
• Ekimen publiko-pribatuak eta zibersegurtasuneko kontsulta-organoak sustatzea.
• Sektore publikoaren eta pribatuaren artean gardentasuna eta konfiantza sustatzea, zibersegurtasunaren ekosistemari buruzko informazioa partekatzean eta erronkei aurre egiteko elkarrekin lan egitean.
• Zibermehatxuei eta ahultasunei buruzko informazioa partekatzeko komunikazio-kanalak ezartzea.
• Koordinazio-protokoloak eta -mekanismoak definitzea, erakunde publikoen eta pribatuen arteko lankidetza errazteko.

Jarduera nagusiak:

• Enpresa berritzaileak hazteko tresnak sortzea, enpresa horien iraunkortasuna eta euskal enpresa gisa finkatutako hazkundea ahalbidetzeko.
• Negozio-aukerak identifikatzea, ideia berritzaileak garatzea eta tokiko enpresa berriak sortzea ahalbidetuko duen behatoki bat identifikatzea eta abian jartzea, beharrezko baliabideak, esperientzia eta kontaktuak eskainiz.
• Tokiko zerbitzu eta hornitzaile homologatuen katalogo bat garatzea, kontratazio-prozesuetan erakunde potentzialak identifikatzeko prozesua errazteko.
• Industriarekin lankidetzan aritzeko programak definitzea, eragileen eta tokiko enpresen arteko lankidetza ahalbidetzeko, ikerketa aplikatua sustatzeko eta zibersegurtasuneko irtenbide berriak garatzeko, merkaturako transferentzia teknologikoa erraztuz.

Jarduera nagusiak:

• Euskal erakundeek zibersegurtasunaren alorrean garrantzitsuak diren nazioarteko foro, hitzaldi eta ekitaldietan parte hartzea ahalbidetuko duten beharrezko mekanismoak definitzea eta ezartzea, Euskadin tokiko gaitasunak eta zerbitzuak zabaltzeko.
• Zibersegurtasuneko nazioarteko eta estatuko foro eta elkarte nagusietan Cyberzaintza sartzea, lankidetzarako eta balioa sortzeko erreferentziazko eragile gisa.
• Erakunde liderrak identifikatzea, baliabideetarako, ezagutza-iturri berrietarako eta ikusgarritasun handiagoko merkatuetarako sarbidea erraztuko duten aliantza estrategikoak ezartzeko.
• Euskal zibersegurtasunaren sektoreari laguntzea, nazioarteko posizionamendu- eta hazkunde-lanetan.
• Euskadin garatutako aurrerapenak eta gaitasunak ikusarazteko eta nazioarteko gizartearen esku jartzeko mekanismoak ezartzea.
• Estatuan, Europan eta nazioartean Euskadirekin zerikusia duten erreferenteen sare bat sortzea, Euskadiren aitorpena eta posizionamendua bultzatzeko.