Berdintasunaren aldeko netiketa
“Berdintasunaren aldeko netiketaren” proposamenak portaerak identifikatzen eta gure egunerokoan online plataformetan, berehalako mezularitzako aplikazioetan eta sare sozialetan egin ditzakegun ekintza positiboak sustatzen laguntzen du. Hamar bat proposamen dira, eta indarkeria matxistaren aurkako aktibismo digitala sustatzeko eta gizonen eta emakumeen arteko berdintasuna bultzatzeko helburua dute.
Bizikidetza digitalak segurua, bidezkoa eta berdintasunezkoa izan behar du
Egunero aukera daukagu berdintasun handiagoko mundua eta emakumeenganako indarkeria gutxiago duen mundua eraikitzen aktiboki parte hartzeko, kalean bertan edo bizi garen espazio digitalean. Gune digitalek aukera ematen dute pertsona asko anonimotasunean babesteko eta, era horretan, emakumeak erasotzeko eta umiliatzeko, datu intimoak zabaltzeko edo haiei buruzko informazio faltsua hedatzeko. Jazarpen birtual horrek ondorio oso errealak eragiten ditu biktimengan. Hori dela-eta, adostasunez ezarritako hainbat arau bete behar ditugu, errespetatu eta zaintzen ditugunak. Bizikidetza digitaleko espazioek seguruak, bidezkoak eta berdintasunezkoak izan behar dute. “Berdintasunaren aldeko netiketa” onartzea eta sustatzea da ziberindarkeria matxistaren kontra borrokatzeko modua, eta, horretarako, dekalogo bat sortu dugu.
Ingurune digitalean errespetua eta berdintasuna sustatzea
Cyberzaintzan, ziberbizikidetza positiboa eta berdintasun handiagoko gizartea eta gizarte tolerantea lortzen lagundu nahi dugu. Ingurune digital segurua, errespetuzkoa eta inklusiboa pertsona guztientzat, gure ekintzek eta hitzek eragin esanguratsua baitute besteek gu hautemateko duten moduan eta guk harremanak izateko dugun moduan. Berdintasunaren aldeko netiketaren jarraibideak jarraitzean, ziurta dezakegu gure elkarreragiteak errespetuzkoak eta bidezkoak izango direla pertsona guztientzat, haien generoa, arraza, sexu-orientazioa edo bereizten dituen beste edozein ezaugarri edozein direla ere.
10 genero-indarkeria mota
Genero-arloko ziberindarkeriaren barruan sartzen dira sareetako kontrola, mugikorra espiatzea eta argazki intimoak eskatzea. Ekintza horiek eragina dute pribatutasunean eta ongizate emozionalean. Identifika itzazu seinaleak eta laguntza bilatu.
Sextortsioaren kontrako sentsibilizazioa
Informa zaitez emakumeenganako ziberindarkeria sexualari buruz eta ezagutu online munduan dagoen on eta txar guztia.