Irudi intimoekin lotutako ziberjazarpena prebenitzea
Zibersegurtasuna oso funtsezkoa da irudi intimoak baimenik gabe zabaltzearekin lotutako ziberjazarpenaren prebentzioan. Hori prebenitzeko, neurri teknologikoa, hezkuntzakoak eta legezkoak konbinatu behar dira; hala nola, hezkuntza, sentsibilizazioa eta errespetu digitalaren kultura sustatzea. Prebentzioa guztion ahalegina denez, norbanakoen, hezitzaileen, plataforma teknologikoen eta gobernuen erantzukizuna eskatzen du.
Ziberjazarpena eta ziberbullying orokorra
Irudi intimoak baimenik gabe zabaltzearekin horietan agertzen diren pertsonen eskubideak urratzen dira; ondorioz, Legeak zigortu egiten du, eta bereziki larritzat jotzen du adingabeen irudiak baldin badira. Era horretako ziberdelituan, errudun argi bat dago, intimitatearen urraketa hori lehen aldiz egiten duen pertsona, baina irudi horiek birbanatzen dituztenak ere konplizeak dira.
Kanpaina honen helburua da irudi intimoak baimenik gabe zabalduaz egiten den jazarpen-mota horren inguruan kontzientzia hartzea eta hori desagerraraztea. Egoera bat aldatzeko lehen urratsa horretaz jabetzea denez, kontuan hartu beharreko gogoeten zerrenda bat egin dugu.
Emakumeak eta neskatilak, biktima nagusiak
Internet bidez beste pertsona batzuen pribatutasuna eta intimitatea urratzea da eskola-jazarpenaren eta indarkeria digitalaren ohiko modua, eta, gainera, biktima nagusiak emakumeak eta neskatilak izan ohi dira. Hori guztia dela-eta, Cyberzaintzan, ziberbizikidetza positiboa eta berdintasun eta zuzentasun handiagoko gizartea lortzen lagundu nahi dugu, bizi-testuinguru guztietan giza eskubideak bermatuko dituena. Guztiontzako giro segurua, mehatxurik eta xantaiarik gabe, biktimizazio-mota guztietatik aske. Errespetua eta enpatia online inguruneetan ere behar dira; joka dezagun gainerako pertsonekin gu tratatzea gustatuko litzaigukeen bezala.
Berdintasunaren aldeko netiketa
“Berdintasunaren aldeko netiketak” portaera digital positiboak sustatzen ditu, indarkeria matxistaren kontra borrokatzeko eta online espazioetan berdintasuna sustatzeko.
10 genero-indarkeria mota
Genero-arloko ziberindarkeriaren barruan sartzen dira sareetako kontrola, mugikorra espiatzea eta argazki intimoak eskatzea. Ekintza horiek eragina dute pribatutasunean eta ongizate emozionalean. Identifika itzazu seinaleak eta laguntza bilatu.