Netiketa

Jarrera errespetuzkoa eta kontzientea

Pertsona guztiok lagundu behar dugu Interneten giro segurua sortzen, eta mundu digitalak mundu errealak dituen arau etiko berak izan behar ditu beti: hau da, besteak errespetatzea, gatazkak saihestea eta jarrera iraingarriak baztertzea. Irainetan, umilazioetan eta probokazioetan erortzen bagara, bizikidetzarako atsegina ez den giro toxikoa sustatuko dugu.

Argazkiak online argitaratzerakoan, arduratsu jokatu behar dugu, bereziki beste pertsona batzuk etiketatzean. Garrantzitsua da pentsatzea: Nola nahi genuke beste batzuek gu sareetan etiketatzea? Aldez aurretik hausnartu behar genuke irudi batzuek Interneten amaitu beharko luketen, mundu osoak eskuratzeko moduan, edo hobe den leku seguruago batean gordetzea, arazoak eta gaizkiulertuak saihesteko.

Ikus bideo gehiago

Etiketa-arauak sarean

Familiek ere parte hartu behar dute portaera horretan, eta sareetan seme-alaben jarraipena egin behar dute zer material argitaratzen duten jakiteko, akatsak egiten dituztenean horiek zuzentzeko eta behar bezala egiten badute zoriontzeko eta haien edukiarekiko interes positiboa erakusteko.

1. Baimena eskatu beste pertsona batzuek igotako argazkiak etiketatu aurretik.
2. Etiketak modu positiboan erabili eta inoiz ez beste pertsona batzuk iraintzeko, umiliatzeko edo kaltetzeko.
3. Ondo neurtu argitaratzen dituzun kritikak.
4. Ez dago arazorik kontuan ez hartzeko adiskidetasun-eskaerak, ekitaldietarako gonbidapenak, taldeak, etab.
5. Ekidin SPAM moduko salaketa bidegabea, iruzkin zuzenak egin dituztenak ez kaltetzeko.
6. Salaketa aukerak erabili zergatia justifikatuta dagoenean.
7. Galde iezaiozu zure buruari beste pertsonen zer informazio erakusten duzun eta ziurtatu haien baimena duzula egin aurretik.
8. Beste pertsona batzuk etiketatzea engainurik gabe egin behar duzu, eta ziurta ezazu zuk hori egiteak ez diela molestatzen.
9. Beste pertsona batzuk agertzen diren argazki edo bideoak ezin dituzu argitaratu haien baimenik gabe, arau orokor modura.
10. Modu pribatuan bidali dizuten informazio bat argitaratu aurretik galdetu ea egin dezakezun.
11. Zure pribatutasuna eta intimitatea errespetatzea ahalbidetu gainerakoei. Zure kontaktuei, bereziki berriei, jakinarazi nola nahi duzun horiek erabiltzea.
12. Kontuan izan dena maiuskulaz idaztea oihu baten modura interpreta daitekeela.
13. Erabili eskura dituzun baliabideak (marrazkiak, sinboloak, emotikonoak...) hobeto adierazteko eta gaizki ulertzeak saihesteko.
14. Molestatzen dizun zerbaiten aurrean, saiatu modu lasaian eta ez bortitzean erantzuten.
15. Gainerakoei errespetuz zuzendu, batez ere hirugarrenen aurrean.
16. Irakurri eta errespetatu plataforma digital bakoitzaren erabilera-arauak.

Ziberbizikidetza positiboa

Cyberzaintzan, ziberbizikidetza positiboa lortzen lagundu nahi dugu, era horretan bakarrik lortuko baitugu gizarte tolerantea eta aktibo digitala. Ingurune birtualetan besteak errespetatu eta zuhur jokatu behar dugu, aurrez aurreko harremanetan garen bezala. Interneten mundu errealean dugun antzeko portaera izan behar dugu, eta hezkuntza, enpatia eta sen ona izan behar ditugu gidari. Laburbilduz, ez egin besteei zuri egitea nahi ez duzuna, ez Interneten, ez Saretik kanpo.

Cyber Erronka

Adingabeei zuzendutako kontzientziazio programa.

Informazio gehiago

CiberJendea

Zibersegurtasunaren arloko gai desberdinen inguruko sei saio eskaintzen ditugu, hezitzaile eta Guraso Elkarteen zerbitzurako.

Jardunaldiak ikusi