Zure pribatutasuna eta sare sozial seguruak
Zibersegurtasuna funtsezkoa da pribatutasuna babesteko eta sare sozialen erabilera segurua bermatzeko; izan ere, plataforma horietan datu pertsonal ugari gordetzen eta kudeatzen dira, tartean, finantza-informazioa, argazkiak eta komunikazio pribatuak. Segurtasun-neurri egokirik gabe, erabiltzaileak kaltebera bihurtzen dira. Jardunbide egokiak hartzeak (esaterako, pasahitz sendoak, bi urratsetan autentifikatzea eta ohiko mehatxuei buruzko kontzientzia hartzea) norbanakoaren pribatutasuna babesteaz gain, guztiontzako ingurune digital seguruagoak mantentzen laguntzen du.
Sare sozialekiko mendekotasuna
Eusko Jaurlaritzako Prospekzio Soziologikoaren Kabineteak eguneroko bizimoduan teknologia digitalek duten eragina neurtzeko egindako azterketaren arabera, Euskadiko biztanleen %83ak egunero erabiltzen du Internet eta %64ak sare sozialak erabili ohi ditu; 29 urtetik beherakoen artean, berriz, zenbateko hori %95ekoa da.
Gainera, Euskadiko Gazteak eta Humanismo Digitala inkesta burutu da 18 eta 30 urte arteko euskal herritarren artean, eta honako ondorio kezkagarri hauek eman dizkigu:
Iragan digitala
%69ak bere iragan digital osoa ezabatu nahiko luke.
Deskonexioarekiko beldurra
%85ak ezingo luke bere mugikorra hegazkin moduan jarri denbora luzez.
Antsietatea bizitza digitalarekin
%60ak adierazten du bere bizitza digitalarekin loturiko neke mentala/fisikoa edo antsietatea sentitzen duela egunero.
Galdutako denbora
%54ak uste du gailu digitaletan igarotako denbora bere bizitza errealari lapurtutako denbora dela.
Bakardadeari beldurra
%60ak uste du ezingo lukeela jende berria ezagutu edo hain intimoak ez diren erlazioekiko harremana galduko lukeela sare sozialetatik irtenez gero.
Arriskugarritasuna
Mundu digitalean mundu fisikoan baino aukera gehiago ikusten dituzte norberaren nortasuna ordezkatzeko, iraintzeko eta lapurtzeko.
Sare sozialak eta zibersegurtasuna
Datu kezkagarri horien aurrean, sare sozialekin dugun harremana birplanteatu behar dugu, horietan argitaratzen dugun informazioa kontrolatzearekin batera. Hori dela-eta, bost aholku prestatu ditugu sare sozialen erabilera seguruagoa eta zentzuzkoagoa egiteko:
Teknologia menderatzeak duen garrantzia
Cyberzaintzan, herritarrak gazte-gaztetatik sentsibilizatzen eta ziberbizikidetza positiboa eta berdintasun handiagoko gizartea eta gizarte toleranteagoa lortzen lagundu nahi dugu. Teknologia tresna handia da, baina menderatzen ikasi behar dugu, berak gu menderatu gabe, batez ere gazteenak eta mendekotasuna dutenak.
Cyber Erronka
Adingabeei zuzendutako kontzientziazio programa.
CiberJendea
Zibersegurtasunaren arloko gai desberdinen inguruko sei saio eskaintzen ditugu, hezitzaile eta Guraso Elkarteen zerbitzurako.