Tolerantzia Interneten
Internetek askotariko informazio-iturrien aukera ugari eskaintzen digu, eta mundu osoko pertsonekin iritziak aukeratzeko, partekatzeko eta eztabaidatzeko aukera ere ematen digu. Aldi berean, beste pertsonen aurrean errespetua, heziketa eta tolerantzia izatea eskatzen digu, bereziki ezezaguna den edo gure iritzien aurkakoa den horren aurrean.
Gorroto-diskurtsoen aurka eta errespetuaren eta aniztasunaren alde
Tolerantzia da gure munduko kulturen, gure adierazpen-moduen eta gizaki izateko moduen aniztasun bikaina errespetatzea, onartzea eta balioestea, UNESCOk 1995ean Tolerantziaren inguruko Printzipioen adierazpenean adierazitakoaren arabera. Hori dela-eta, Cyberzaintzan Interneten tolerantziak duen garrantzia azpimarratu nahi dugu; izan ere, aurrean pantaila bat dugunean, plataforma sozialetako edo WhatsApp-eko koadrilako taldeko jokabideak, gure jarrerak, beste pertsona batzuekin aurrez aurre gaudenean erakutsi ohi ditugunaren bestelakoak izan ohi dira. Nola saihets dezakegu hori?
Interneten tolerantzia izatearen aldeko gida
-
1. Erabili zure adierazpen-askatasuna modu arduratsuan. -
2. Kritika bat egin aurretik, pentsatu. -
3. Errespetuzko tonua eta hizkuntza erabili. -
4. Gogoratu iraintzea, difamatzea, kalumniatzea edo laidoztatzea ez dela adierazpen-askatasuna modu egokian erabiltzea. -
5. Kontuan izan lintxamendu digitala bortizkeria mota bat dela. -
6. Errespetatu zu bezalakoa ez dena edo ezberdin pentsatzen duena. -
7. Diskriminatuta dauden ideiak edo taldeak irrigarri uzten dituzten kateak edo memeak eten. -
8. Gizarte talde baten aurkako mehatxua suposatzen duten edo indarkeria eragiten duten iruzkinak errefusatu. -
9. Saia zaitez zure babesa erakusten tratu bidegabea jasaten ari dela uste duzun horri. -
10. Tonu positiboa eta tolerantea nabarmendu.
Lotutako bideoak
Ezagutu bideo gehiago
Interneten errespetua izatearen aldeko dekalogoa
Cyberzaintzak arau batzuk ezarri nahi ditu Interneten erabileran tentsiorik, mehatxurik edota informazio faltsurik sor ez dezan. Era horretan bakarrik lortuko dugu gizarte tolerantea eta aktibo digitala. Besteekiko errespetua izan behar dugu eta zuhur jokatu ingurune birtualetan, ziberjazarpena bezalako jarrerek lekurik ez izateko, aurrez aurreko harremanetan bezala..
Deskargatu dekalogoa
Cyber Erronka
Adingabeei zuzendutako kontzientziazio-programa.
CiberJendea
Zentroen eta Guraso Elkarteen zerbitzurako programa, haien hezkuntza-lanetan laguntzeko.