#Zibersegurolak diren gamerentzako gomendioak
Gamerrek beren zibersegurtasuna lehenetsi behar dute beren informazio pertsonala eta joko-kontuak babesteko. Funtsezkoa da pasahitz sendoak eta bakarrak erabiltzea, autentifikazioa bi urratsetan gaitzea eta beste jokalari batzuekin datu sentikorrak ez partekatzea. Oso dibertigarria da koadrilarekin online jolastea, baina horrek arrisku batzuk ditu, eta arrisku horiek gamerrek nahiz haien gurasoek ezagutu behar dituzte.
Bideojokoen industria goraka doa
Bideojokoen Espainiako Elkartearen (AEVI) azken txostenaren arabera, 2024an bideojokoetan jokatzen duten pertsonen kopuruak gora egiten jarraitzen du, eta azken zifrak 22,1 milioi gamerrera iristen dira. Adin-taldeen arabera, 6 eta 10 urte bitarteko biztanleen % 84k bideojokoetan jokatzen du, eta ehuneko hori % 91raino igotzen da 11 eta 14 urte bitartean. Argi dago jokoaren bidez konektatutako pertsonen kopurua handitu egiten dela eta gero eta gazteago gertatzen dela. Gainera, haien alde sozialak eta izaera ludikoak arreta galaraz diezaieke haietaz gozatzen dutenei, eta horrek arrisku batzuk dakartza segurtasun-neurriak aplikatzearen aurrean.
Hori dela-eta, Cyberzaintzan zibersegurtasunari buruzko dekalogo bat prestatu dugu pilula eta bideo formatuan, eta infografia bat ere bai zenbait gomendio eta guzti.
Bideojokoetarako zibersegurtasuneko hamar aholku
-
1. Gailuen eta jokoen softwarea eguneratuta izan. -
2. Antibirusa erabili, baita mugikorrean ere. -
3. Erosi soilik denda ofizialetan eta deskargatu baimendutako plataformetatik. -
4. Sortu posta elektroniko berria joko-zerbitzuetan alta emateko. -
5. Erabili pasahitz desberdina eta sendoa, eta aldatu noizean behin. -
6. Autentifikazio bikoitzeko sistema aktibatu, erabilgarri badago. -
7. Adi ibili web helbidea non ari zaren egiaztatzen eta, ziurtatu https batekin hasten dela. -
8. Ez egin klik iristen zaizkizun esteketan, bereziki txat bidezkoa bada. -
9. Ordaindu txartel birtualaren edo beste zerbitzu baten bidez, saihestu kreditu-txartela. -
10. Konektatu konfiantzazko sare baten bidez, eta saihestu WiFi publikoak edo ezezagunak.
Horren inguruko bideoak
Ikus bideo gehiago
Aholku gehiago #zibersegurolentzat
Gure helburuetako bat da prebentzio-neurriak adostea gazteei bizitza digitalean laguntzeko. Hori dela-eta, azaldu berri dugun dekalogoaz gain, sare sozialetara eta gailuetara konektatutako aplikazioak eta kontuak aldizka berrikustea gomendatzen dugu, dagoeneko erabiltzen ez ditugunak desgaitzeko edo nahi ez ditugun erasoaldiak saihesteko. Halaber, plataformen pasahitzak maiz aldatzea proposatzen dugu, pasahitz bat arriskuan jarriko balitz lapurreta masiboa zailtzeko. Komeni da, baita ere, bi urratsetan egiaztapena egitea, babes handiagoa izateko, telefono mugikorra hurbil dugunean bakarrik sartu ahal izateko moduan. Gainera, behar izanez gero, VPNak erabil daitezke zure datuak segurtasun handiagoarekin babesteko eta enkriptatzeko.
Deskargatu infografia
Enpresak ere kalteberak dira
Azpimarratu behar da jokalariak bakarrik ez direla online mehatxu horien aurrean daudenak. Azken urteetan, ugaritu egin dira bideojokoen sektoreko enpresa handien aurkako zibererasoak, kalteberatasunen, ransomwarearen eta hackeoen bidez. Gertakari horiek segurtasuneko arazo larriak eragiteaz gain, milioi askoko galerak ekar ditzakete. Cyberzaintza, beti jakinarazten ditugu era horretako kasuak, erne egoteko eta saihesten saiatzeko. Beraz, argi izan. Fortnite, Overwatch, LoL, Among Us, FIFA, Super Mario Kart eta Sea of Thieves oso dibertigarriak dira, baina beti zibersegurola izan behar dugu.
Cyber erronka
Adingabeei zuzendutako kontzientziazio-programa.
CiberJendea
Zibersegurtasunaren arloko gai desberdinen inguruko sei saio eskaintzen ditugu, hezitzaile eta Guraso Elkarteen zerbitzurako.