Zibersegurtasunaren Euskal Agentziaren gardentasun-ataria
Zibersegurtasunaren Euskal Agentziak, Cyberzaintzak, gizartearen aurrean bere gain hartutako erantzukizunari erantzunez eta Gardentasunaren Legea betez, jarduera publikoaren gardentasuna areagotzen eta indartzen du publizitate aktiboaren bidez, informazioa modu argi eta egituratuan eskuratzeko aukera aitortzen eta bermatzen du, eta Gobernu Ona praktikatzen du.
Gardentasun-atariaren atalak
Hori gauzatzeko, atari hau garatu da, honako 5 ataletan egituratua:
Cyberzaintzari buruzko informazioa
Atal honetan, Zibersegurtasunaren Euskal Agentziaren informazio instituzionala jasotzen da, baita haren arau-esparrua, antolaketa-egitura, gobernu-organoak eta erantzukizun nagusiak ere. Bere helburua Cyberzaintzaren izaeraren, funtzioen eta antolaketaren ikuspegi argia eskaintzea da.
Plangintza eta kudeaketa
Multzo honek Agentziaren plangintza- eta kudeaketa-tresna nagusiak biltzen ditu, hala nola estrategia, jarduketa-planak eta kudeaketa-sistemak. Cyberzaintzaren jarduera gidatzen duten lan-ildoak, helburuak eta konpromisoak ezagutzeko aukera ematen du.
Gardentasun ekonomiko-finantzarioa
Hemen argitaratzen da Agentziaren kudeaketa ekonomikoari buruzko informazioa, aurrekontuak, aurrekontu-gauzatzea, urteko kontuak eta beste adierazle garrantzitsu batzuk barne. Helburua baliabide publikoen erabileran gardentasuna bermatzea da.
*Atal hau ez da aplikatzekoa, Cyberzaintzak ez baitu inolako dirulaguntzarik, laguntza publikorik edo ekarpen ekonomikorik jasotzen edo ematen.
Publikoarekiko eta alderdi interesdunekiko harremanak
Atal honetan, Cyberzaintzak herritarrekin eta alderdi interesdunekin dituen harreman-mekanismoak jasotzen dira, arreta-kanalak, informazio publikorako sarbidea eta zerbitzuen katalogoa barne. Helburua komunikazio irisgarria, gardena eta eraginkorra erraztea da.
Kontratuak, hitzarmenak eta lizitazioak
Atal honetan Agentziaren kontratu-jarduerari buruzko informazioa dago, kontratazio-prozedurak, lizitazioak, kontratu formalizatuak eta sinatutako hitzarmenak barne. Baliabideak eta lankidetzak gardentasun- eta lehia-irizpideetatik nola kudeatzen diren jakiteko aukera ematen du.
Gardentasuna Eusko Jaurlaritzan
Euskal administrazio publikoaren gardentasuna Eusko Jaurlaritzaren konpromiso bat da, herritarrak Euskal Administraziora hurbiltzean oinarritua, eta Jaurlaritzaren ekintzetan kontrola, parte-hartzea eta erabakiak hartzea ematen dio, pertsona bakoitzak egiaztatu ahal izan dezan denon artean eta guztientzat gobernatzen dela. Sartu Eusko Jaurlaritzaren Gardentasunaren eta Datuen Bistaratzearen Atarian. Bertan, informazio publikora sartu eta zure eskubidea erabili ahal izango duzu, eta/edo edozein informazio Interneten ikusgai egon dadin eskatu.